Жетісу облысы бойынша Сыбайлас жемқорлыққа қарсы қызмет облыстық табиғи монополияларды реттеу департаментінің басшысын ұстады.
Ведомство баспасөз қызметінің мәліметінше, шенеунік 500 мың теңге көлемінде пара алудан күдіктелуде, бұл параны "Талдықорған акционерлік көліктік-электржелілік компаниясы" АҚ басшысы берген.
Пара 2025 жылға арналған электр энергиясы тарифін және тарифтік сметасын көтеру үшін берілген. Тергеу мүддесі үшін басқа мәліметтер жария етілмейді.
Еске сала кетейік, бұған дейін хабарланғандай, "ШҚО мемлекеттік-жекешелік әріптестік өңірлік орталығы" АҚ басшылығы Өскемен және Семей қалаларында көше жарығын жаңғырту жобасын іске асыру кезінде бюджеттің 2,5 млрд теңге қаражатын жымқырды, лауазымдық өкілеттіктерін теріс пайдаланды, заңсыз кәсіпкерлік қызметпен айналысты және қылмыстық жолмен алынған кірістерді заңдастырды деп айыпталуда.