Қызылорда әкімі Нұржан Ахатовтың бірнеше жылдан бері ауыз судың жоқтығынан зардап шегіп отырған қала маңындағы Сабалақ кентінің тұрғындарымен кездесуі шенеуніктің бойында дүрбелең тудырды, деп хабарлайды 31 арна.
Айта кетейік, тұрғындар жаңа басшының бәрін өз көзімен көрсе, ауыз су мәселесін шеше алады деген үмітпен әкімді өз үйлеріне шақырған.
«Су жоқ. Біз бақша суаруға арналған нашар суды ішеміз. Түнде де, күндіз де ақпайды. Мен күн сайын ұңғымаға барып тексеремін», – деді Гүлсаным Әукенова.
Сабалақ ауылының тұрғындары бірнеше жылдан бері ауыз су тапшылығынан зардап шегуде. 2019 жылы кентте көптен күткен сумен жабдықтау жұмыстары басталған.
Тіпті көрші ауылдан басты су магистралі тартылды. Осы мақсаттарға республикалық бюджеттен 600 млн теңге бөлінген.
Алайда, барлық уәделерге қарамастан, жұмыстар әлі күнге дейін аяқталмаған. Кент тұрғындарының суы қашан пайда болатыны – әзірге белгісіз. Әсіресе, қала әкімінің жергілікті тұрғындарда жылдар бойы ауыз судың жоқтығы мәселесінің бар екеніне реакциясы көп сұрақ тудырады.
«Мен қазір не істеуім керек? Мен су беретін кереметші емеспін. Мен зерттеп жатырмын. Бақылайтын боламын», – деп жауап берді Нұржан Ахатов.