Сауда желілері «SMALL» және «METRO» сауда үстемеақысын көтергені үшін жауапкершілікке тартылды.
«Алматыда ірі сауда желілері «SMALL» және «METRO» бүкіл республика бойынша бірнеше филиалдарымен, сондай-ақ мегаполистегі ең ірі премиум-класс гастрономы «Esentai Gourmet» сауда үстемеақысын көтергені үшін әкімшілік жауапкершілікке тартылды», - деп хабарлады сауда және интеграция министрлігінің сауда комитетінің баспасөз қызметі.
Белгілі болғандай, жарты жыл ішінде сауда және тұтынушылардың құқықтарын қорғау комитетінің аумақтық департаменттері 2 357 әкімшілік іс қозғады.
Олардың нәтижелері бойынша әкімшілік жауапкершілікке тарту туралы 2 228 қаулы шығарылды, оның ішінде 381і айыппұл түрінде және 1 847і алғаш рет жасалған құқық бұзушылықтар үшін ескерту болып табылады.
«Өткен жылдың сәйкес кезеңімен салыстырғанда ағымдағы жылдың 6 айындағы мемлекеттік бақылау нәтижелерінің көрсеткіші 2 еседен астам өсті», - делінген хабарламада.
Әкімшілік кодекстің екі бабы бойынша - әлеуметтік маңызы бар азық-түлік өнімдеріне (ӘМАТӨ) сауда үстемеақысының асып кетуі (ӘҚБтК-нің 204-4-бабы) және әртүрлі бағаларды қолдану не баға белгілерінің болмауы (ӘҚБтК-нің 193-бабының 4 және 5-бөліктері) құқық бұзушылықтардың ең көп саны анықталды.
Еске сала кетейік, бұрын АФМ Астана балабақшаларына жеткізілетін ӘМАТӨ бағасының өсірілу фактілерін анықтады. Ведомство қаладағы 21 мектепке дейінгі мекемеде ӘМАТӨ жеткізу шарттары бойынша бағаларды төмендетуге қол жеткізді. Үнемдеу 31 млн теңгеден астамды құрады.
Оған қоса, АФМ ШҚО-да ӘМАТӨ себетіндегі азық-түлік өнімдерінің сатып алу құнын төмендетті. Сонда ШҚО білім басқармасының «Ерекше білім беру қажеттіліктері бар балаларды қолдау орталығы» КММ кәсіпкерден ӘМАТӨ-ні өсірілген бағамен сатып алғаны белгілі болды. Нәтижесінде сәбіздің сатып алу құны 35%-ға (325 теңгеден 242 теңгеге дейін), қырыққабаттыкі 60%-ға (380 теңгеден 238 теңгеге дейін) төмендетілді.
Сонымен қатар, өткен жылдың сәуірінде АФМ Қарағанды облысында жұмыртқаға үстемеақының асып кетуін анықтап, картоп бағасын төмендетті. Оған қоса, ведомство Жезқазғанда қантқа, Қызылорда облысында күрішке, Абай облысында айранға өсірілген бағаларды анықтады.