Желіде Түркістан облысы Ордабасы ауданынан видео таралуда, онда жергілікті тұрғын далада қызыл кітапқа енген қызғалдақтардан гүл шоғын жинап жатыр.
«Halyqstan» Telegram-арнасының мәліметінше, енді әйелге 3000 АЕК (11 796 000 теңге) мөлшерінде айыппұл салынуы немесе түзеу немесе қоғамдық жұмыстарға тартылуы мүмкін.
«Сәуірдің басталуымен полиция әлеуметтік желілердегі осындай видео және фотосуреттерді іздеу үшін мониторинг жүргізеді, экологтар мен табиғат қорғаушылар да сергектіктерін жоғалтпайды», - делінген хабарламада.
Жабайы қызғалдақтардың тұқымдары жаңа пиязшық түзбес бұрын жерде төрт жылдан жеті жылға дейін жататыны атап өтілген.
Еске сала кетейік, өткен жылдың сәуірінде Түркістан облысы Ордабасы ауданында 22 жастағы студент қыз өзі жұлған қызыл кітапқа енген қызғалдақтарды видеоға түсірген болатын. Кейін полиция қыздың жеке басын анықтады. Бұл оқиғаның қалай аяқталғанын ведомство хабарлаған жоқ.