Прокуратура Түркістан облысы Мактаарал ауданы білім бөлімінің 43 лауазымды тұлғасы мен қызметкеріне қатысты қылмыстық істі сотқа жолдады.
Ведомство баспасөз қызметінің мәліметінше, олар бюджеттен 2,4 млрд теңге аса қаражатты жымқыруға күдікті.
«Жымқыру білім беру жүйесінде жұмыс істемейтін адамдардың шоттарына жалақыны заңсыз аудару жолымен жасалған», - делінген хабарламада.
Бүгінгі таңда күдіктілер мемлекет кірісіне 333,5 млн теңге сомасындағы залалды өтеді. Сонымен қатар, құқық қорғау органдары қылмыстық жолмен алынған 649,7 млн теңге сомасындағы мүлікке тыйым салды.
Еске сала кетейік, 2024 жылғы желтоқсанда Түркістан облысында 84,3 млн теңгені жымқырғаны үшін Мактаарал мүгедек балаларды оңалту орталығының директоры Нұржан Сүлейменов және бас бухгалтер Мадина Наурызбаева сотталды.