Әділет министрлігі түрік мердігеріне аванс ретінде төленген 5,9 млрд теңгені қайтарды.
Informburo.kz деректері бойынша, 2021 жылғы қазанда автомобиль жолдары комитеті түрік «F&A Road Construction» компаниясымен Құрты – Бурылбайтал автомобиль жолын реконструкциялауға келісімшарт жасасты.
Комитет материалдарды дайындау және басқа да қажеттіліктер үшін 5,9 млрд теңге көлемінде аванс аударды. Алайда түрік мердігер жұмысқа кіріспегендіктен, 2022 жылғы мамырда келісімшарт біржақты тәртіппен бұзылды.
Ведомство сот талқылауынсыз авансты қайтаруға тырысты, бірақ бұл нәтиже бермеді.
Содан кейін Әділет министрлігі Халықаралық сауда палатасында төрелік процесті бастады.
Нәтижесінде тараптар бітімгершілік келісімге қол жеткізіп, оған сәйкес мердігер ақшаны қайтаруға және $280 мың (шамамен 134,2 млн теңге) және $85 мың (шамамен 40,7 млн теңге) төрелік жарнасы мөлшеріндегі заң шығындарын өтеуге міндеттенді.
«Осылайша, Әділет министрлігінің үйлестіруімен тартылған мемлекеттік органдардың кешенді жұмысының арқасында мемлекеттің құқықтарын қорғау, заң кеңесшісін тарту шығындарын өтеу, сондай-ақ мәселені қымбат төрелік процесте қарауды болдырмау мүмкін болды», – деп түйіндеді ведомство.