Президент Қасым-Жомарт Тоқаев арнайы комиссияның үкім шығарылған бұрынғы ҰҚК төрағасы Кәрім Мәсімовті кешіруден бас тартқан шешімін бекітті.
27 маусымда Президент жанындағы кешірім жасау мәселелері жөніндегі комиссия Мәсімовтің өтінішхатын қарап, бас тартты.
«Мәсімовке қатысты кешірім жасау актісін қолдану мүмкіндігін зерделеу қорытындысы бойынша комиссия мемлекет басшысының атына тиісті ұсыныс енгізді, ол онымен келісті», – деп хабарлады Президент Әкімшілігі.
Informburo.kz мәліметінше, Қасым-Жомарт Тоқаевтың шешімі туралы өтінішхат авторына хабарланған.
Еске салайық, 2023 жылғы сәуірде Кәрім Мәсімов мемлекетке опасыздық жасау, билікті күшпен басып алуға әрекеттену, өкілеттік пен лауазымдық өкілеттіктерден асып кету үшін 18 жылға бас бостандығынан айырылды. Осы жылдың наурызында ол Президенттің атына кешірім жасау туралы өтінішхат жолдады.
Маусымда Мәжіліс депутаты Ермұрат Бапи Мәсімовтің қоғам, билік және сот органдары алдында ашылуы, сондай-ақ қаңтар оқиғаларының бүкіл тізбегін баяндап, бас ұйымдастырушының атын атауы керек деген пікір білдірді. Бұл, мәжілісменнің сөзінше, бұрынғы ҰҚК төрағасының бостандыққа шығуына көмектесуі мүмкін еді.