Алматы прокуратурасы АЭС құрылысы бойынша заңнама талаптарын сақтамай қоғамдық пікір сауалнамаларын жүргізу фактілерін анықтады.
Ведомствоның баспасөз қызметінің мәліметінше, нәтижесінде 4 азамат әкімшілік жауапкершілікке тартылып, айыппұл салынды.
Еске салайық, маусым айының соңында Қасым-Жомарт Тоқаев Қазақстанда АЭС салу туралы референдум осы жылдың күзінде өтетінін мәлімдеді.
Президент атом электр станциясын салу ерекше маңызды экономикалық және саяси мәселе екенін бірнеше рет атап өтті. Мемлекет басшысы АЭС салу туралы түпкілікті шешім халықтың еншісінде болатынына сендірді.
Қыркүйек айының басында Қасым-Жомарт Тоқаев Қазақстан халқына жыл сайынғы Жолдауында АЭС салу мәселесі бойынша жалпыұлттық референдум осы жылдың 6 қазанында өтетінін жариялады.
Кейінірек ОСК мүшесі Сәбила Мұстафина АЭС салу бойынша референдумға бюджеттен 15,5 млрд теңге сұратуды жоспарлап отырғандарын хабарлады.
Одан кейін Бас прокуратурада референдум қарсаңында қоғамдық пікірді анықтау мақсатында әлеуметтік сауалнамалар жүргізу ережелерін еске салды.
Сол кезде прокурорлар республикалық референдумға байланысты қоғамдық пікірді заңсыз сұраудың 8 фактісін анықтағаны хабарланды. Нәтижесінде 6 адам әкімшілік бұзушылық үшін жауапкершілікке тартылып, айыппұл салынды.