Қазақстандықтардың жалақысы 850 мың теңгеден асса, оларды медициналық сақтандыру үшін көбірек төлеуге міндеттеуі мүмкін. Бұл туралы медициналық сақтандыру қорының басшысы Әбілқайыр Сқақов хабарлады.
«КТК Жаңалықтары» Telegram-арнасының мәліметінше, қазіргі уақытта жарналарға шектеу қолданылады - бұл 850 мыңнан ең көбі 2%, алайда енді соманы көбейткісі келеді.
«Тиісті ұсыныс бар. Кейіннен, басқа мемлекеттік органдардың қолдауымен, ұсыныс құқықтық бастама ретінде енгізіледі. Айына 10 ең төменгі жалақыдан 50-ге дейін көтеру. Яғни, соманы 850 мың теңгеден 4,5 млн теңгеге дейін көтеру мәселесі қарастырылуда», - делінген хабарламада.
Сонымен қатар, қор басшысы ведомствоның емханалар мен ауруханалар алдындағы 200 млрд көлеміндегі берешегінің себебін атады. Оның айтуынша, алдымен төлем жүйесі жұмыс істемеген, кейін кепілдендірілген медициналық көмек көлеміне ақшаны республикалық бюджет кешіктірген. Сқақов қарыздардың алдағы айларда жабылатынына уәде берді.
Сонымен қатар, ол жыл басынан бері 400 млн медициналық қызмет түрі көрсетілгенін, оның ішінде жалған болып шыққаны 66 мың екенін айтты.
Жалған жазбалармен күресу үшін биометрия және FaceID қолданатын пилоттық жобалар іске қосылды. Сонымен бірге, ведомство қызметтердің қалай көрсетілетінін ең алдымен пациенттердің өздері бақылауы керек деп санайды.
«Мұнда пациенттер тарапынан бақылау болуы керек, өйткені қызметтің қалай, сапалы, уақтылы және қандай көлемде көрсетілгенін олардан артық ешкім білмейді. Сондықтан қазір пилоттық жобалар жүріп жатыр. Келесі жылы биометрияның алғашқы нәтижелерін ала аламыз деп ойлаймын. Биометрия, FaceID және басқа да нәрселер бар. Бірақ бұл бір сәтте бола қоймайды. Бүкіл халықты бірден тарту, әрине, қиын болады. Бірақ адамдардың белгілі бір бөлігін дәрі-дәрмек алу кезінде сәйкестендіруге болады. Осылайша, бұл цифрлық құрылғыларды қолдануға болады», - деді Сқақов.
Бұдан басқа, БАҚ хабарлағандай, МСҚ басшысы өзінің айлық жалақысының мөлшерін атады. Журналистер оған осындай сұрақ қойған.
«Қолыма айына 1 млн 400 мың теңге тиеді», - деп жауап берді Әбілқайыр Сқақов.