Сыбайлас жемқорлыққа қарсы қызмет ҰҚК-мен бірлесіп, Шымкент қаласының сыбайлас жемқорлыққа қарсы іс-қимыл департаментінің бұрынғы басшысының орынбасары Дәуренбек Қожабаевты ұстады. Ол Сыбайлас жемқорлыққа қарсы іс-қимыл агенттігі төрағасының бұрынғы орынбасары Максат Қожабаевтың інісі болып келеді.
БАҚ мәліметінше, Дәуренбек Қожабаев мектеп директорынан пара алуға күдіктеледі.
«Сыбайлас жемқорлыққа қарсы қызмет Шымкент қаласы бойынша аумақтық департаментінің бұрынғы басшысының орынбасары Қожабаев Д.-ға қатысты қылмыстық істі тергеп жатыр, ол қаладағы жалпы білім беретін мектептердің бірінің директорынан оны қылмыстық жауапкершіліктен босату үшін пара алды деген күдікке ілінді. Қожабаев тергеуден жасырынғандықтан, ол халықаралық іздеу жарияланды. 30 қарашада жедел-іздестіру іс-шаралары нәтижесінде Сыбайлас жемқорлыққа қарсы іс-қимыл агенттігі ҰҚК-мен бірлесіп оны ұстап, тергеу изоляторына қамады», - делінген Сыбайлас жемқорлыққа қарсы іс-қимыл агенттігінің хабарламасында.
Еске сала кетейік, былтырғы қаңтар айында Сыбайлас жемқорлыққа қарсы іс-қимыл агенттігі төрағасының бұрынғы орынбасары Максат Қожабаевтың ұсталғаны хабарланған болатын.
Қараша айында ол алаяқтық үшін 5,5 жылға сотталды. Қожабаев кәсіпкер Зәкір Ғұламовпен сөз байласып, оған 100 мың доллар үшін тергеуде болған Астана қалалық көлік бақылау инспекциясы басшысының м.а. Қанат Құдайбергеновке жәрдемдесуге уәде бергені атап өтілді.