Ақтөбе табиғат қорғау прокурорлары Ақтөбе облысы Хромтау ауданында хром кенін өңдеу кезінде «Восход Хром» ЖШС қызметінде бұзушылықтарды анықтады.
Ақтөбе облыстық прокуратурасы баспасөз қызметінің мәліметінше, 2022 жыл бойы кәсіпорын міндетті экологиялық рұқсатсыз жұмыс істеген.
«Тиісінше, осы кезеңдегі барлық эмиссиялар – бұл атмосфераға 52 тоннадан астам ластаушы заттардың (бейорганикалық шаң, 3 валентті хром, магний оксиді және т.б.) шығарындылары, сондай-ақ жалпы көлемі 395 мың тоннаны құрайтын ірі кесекті және шламды байыту қалдықтары – нормадан тыс, яғни заңсыз деп танылды», - делінген хабарламада.
Нәтижесінде табиғат қорғау прокуратурасы экологиялық рұқсатсыз қызметті жүзеге асырғаны үшін кәсіпорынды 2,9 млрд теңгеден астам сомаға айыппұлға тартты.
«ЖШС-ні әкімшілік жауапкершілікке тарту сот тәртібімен шағымданды. Облыстық соттың бірінші және апелляциялық сатылары айыппұлды заңды деп таныды», - делінген хабарламада.