Ресейлік «Сирена-Трэвел» ЖАҚ бұзылғаннан кейін қазақстандықтардың жеке деректері ашық қолжетімділікке шығып, Қазақстанда ресми тіркеусіз қызметін жүзеге асырып отыр.
Telegram-арнасының «Выход к морю» мәліметінше, осы аптаның басында бюджетке «Google салығы» деп аталатын – қазақстандық пайдаланушыларға қызмет көрсететін шетелдік интернет-компаниялардан алынатын жинақ түсті.
101 заңды тұлғаның тізіміне Google, Meta, TikTok, AliExpress, Apple және Netflix сияқты компаниялар енді. Алайда бұл тізімде Қазақстан азаматтарының ішкі рейстері туралы деректерді өңдейтін ресейлік әуебилеттерді брондау жүйесі – «Сирена-Трэвел» ЖАҚ жоқ. Компанияның елде мүлде тіркелмегені атап өтіледі.
Еске сала кетейік, өткен жылдың желтоқсан айында қазақстандықтардың жеке деректері «Сирена-Трэвел» бұзылуы салдарынан ашық қолжетімділікке шыққан болатын.
Желіге 2007 жылдан 2023 жылға дейінгі қазақстандықтардың ішкі рейстері туралы деректер тарап кетті, оларда еліміздің ішінде Air Astana, Scat, Qazaq Air және Bek Air әуекомпанияларының ұшақтарымен жасалған 700 мыңға жуық рейс туралы мәліметтер бар.
Базада қазақстандық азаматтардың ресейлік әуекомпаниялардың лайнерлерімен халықаралық рейстері туралы ақпарат та бар. Таратылған файлдар жолаушылардың деректерін, олардың құжат нөмірлерін, телефон нөмірлерін және электрондық пошта мекенжайларын қамтиды.