Маусым айында бірінші сатыдағы сот «Продкорпорация» АҚ Қостанай облыстық өкілдігінің директоры Мирас Тұрежановты және «Олжа-Агро» ЖШС директорының орынбасары Алмаз Құлмырзаевты сыбайлас жемқорлық үшін бас бостандығынан айыруға үкім шығарды.
«Наша газета» басылымының мәліметінше, сотта Тұрежановтың Құлмырзаевтан жеңілдікпен тұқым алуға тауарлық несие алуға жәрдемдескені үшін 350 мың теңге талап еткені анықталды. Бұл ретте корпорация директоры «Олжа-Алтын Инвест» ЖШС және «Олжа-Ряжское» ЖШС егістік алқаптарының көлемі туралы шындыққа жанаспайтын мәліметтер берген. Нәтижесінде серіктестіктер тиісінше 146 тонна және 11 000 тонна жеңілдікпен берілетін тұқым алды.
Сот Құлмырзаевқа 3 жыл бас бостандығынан айыру, ал Тұрежановқа 3 жыл 6 ай жаза тағайындады. Екеуіне де мемлекеттік қызметте лауазымдарды атқару өмір бойына тыйым салынды.
Алайда, күндердің күнінде сотталушылардың апелляциялық шағымдарын қарау кезінде Қостанай облыстық сотының қылмыстық істер жөніндегі сот алқасы бірінші сатыдағы соттың үкімін өзгерту туралы шешім қабылдады.
«Сотталушы Құлмырзаевтың жеке басын, оның қылмыс жасағанын мойындауын, материалдық жағдайын ескере отырып, оған пара сомасының жиырма жеті еселік мөлшерінде, яғни 9 450 000 теңге көлемінде айыппұл түрінде жаза тағайындалды», - делінген үкімде.
Бірінші сатыдағы сот судьясы бірінші отырыста сотталушыларға айыппұл тағайындамағаны, себебі олар тергеу астында болып, тұрақты табысы болмағаны атап өтілді.
Облыстық сот алқасы Құлмырзаевтың күзетпен ұсталған 41 күнін де ескеріп, 4 АЕК үшін – жалпы сомасы 565 800 теңге бір күн бас бостандығынан айыруды есептен шығарды. Сонымен бірге алқа қосымша жазаны – мемлекеттік қызметте лауазымдарды атқару құқығынан өмір бойына айыруды алып тастады.
Қалған бөлігінде үкім өзгеріссіз қалдырылды – Тұрежанов өзіне тағайындалған мерзімін өтеуді жалғастырады.
Еске сала кетейік, бұған дейін Астана қаласының қылмыстық істер жөніндегі ауданаралық соты «Продкорпорация» АҚ қаржы департаментінің директоры Жұмаділов Н.Г. және бас маманы Әбенов Г.Ж. қатысты шешім шығарды.
Олар кәсіпкерден құжаттарды жинау жөніндегі көрсеткен қызметтері, сондай-ақ тауарлық несие (астық) беру туралы шартқа қол қоюға жәрдемдескені үшін пара алды деген күдікке іліккен еді.
Нәтижесінде сот айыпталушыларға жалпы сомасы 48 млн теңге көлемінде айыппұл түріндегі жаза тағайындап, квазимемлекеттік сектор субъектілерінде мемлекеттік қызметте лауазымдарды атқару құқығынан өмір бойына айырды.