Олимпиялық спорт түрлері бойынша спортты дамыту дирекциясының басшысы сыбайлас жемқорлық пен бюджет қаражатын жымқыруда кінәлі деп танылды.
Астана прокуратурасының баспасөз қызметінің мәліметінше, шенеунік 60 млн теңгеден астам қаражатты жымқырып, бағынышты қызметкерден 4 млн теңге көлемінде пара алған.
«Жымқыру спортшылардың оқу-жаттығу жиындарына бөлінген бюджет қаражатын иемдену, спорт залдарын жалға алу бойынша мемлекеттік сатып алу шарттарын аффилирленген тұлғалармен жасасу, ал бұл үй-жайларды тегін алу мүмкіндігі болған кезде жүзеге асырылды», - делінген хабарламада.
Басшымен қатар айыпталушылар лавасында жымқыруға көмектескен Дирекция қызметкері де болды.
Нәтижесінде шенеунік 5 жылға, ал оның көмекшісі 4 жыл бас бостандығынан айыруға сотталды. Сондай-ақ оларға өмір бойы мемлекеттік қызметте лауазымдарды атқаруға тыйым салынды.
Естеріңізге сала кетейік, бұған дейін Алматы спорт басқармасының және оған қарасты ұйымның бұрынғы қызметкерлері бюджет қаражатын жымқырды деген күдікке ілінгені белгілі болды. Олар ведомствода нақты жұмыс істемейтін адамдарға жалақы есептеу және төлеу жолымен 56 млн теңгеден астам қаражатты жымқырды деп айыпталуда.
Сондай-ақ Шымкентте дене шынықтыру және спорт басқармасының №3 жоғары спорт шеберлігі мектебінің шығыс жекпе-жегінен екі жаттықтырушысы 27 млн теңгеден астам қаражатты иемденгені хабарланды. Бюджет қаражаты оқу жиындарына және спортшылардың жарыстарға баруына арналған еді.
Айыпталушылар кінәсін толық мойындап, сотқа дейінгі тергеу сатысында келтірілген залалды толық өтеген. Ақшаны қайтарғанына байланысты спорт мектебі дирекциясы тарапынан сотталушыларға шағым болмаған. Нәтижесінде сот жаттықтырушыларға шартты жаза тағайындады.