Үкімет отырысында мәдениет және ақпарат министрі Аида Балаева азаматтардың «Таза Қазақстан» экологиялық науқанына қатысу нәтижелері туралы хабарлады. Оның айтуынша, «Қоғамдық эко-бақылау» акциясы аясында қоғамдық кеңестердің шамамен 4 мың мүшесі қатысты. Науқанның басты назарында – жұртшылықты қоршаған ортаны қорғауға тарту.
Үкімет баспасөз қызметінің мәліметінше, «Қоғамдық эко-бақылау» аясында белсенділер тарихи-мәдени мұра және туризм нысандарына мониторинг жүргізіп, сондай-ақ абаттандыру мен жер қойнауын пайдалану саласындағы қызметке қоғамдық бақылау ұйымдастырды.
Сонымен қатар, 3 мыңнан астам адам әлеуметтік желілердегі «10 экологиялық әдет» эко-челленджіне қосылды.
Республикалық «Таза жағалаулар» акциясы аясында маусым басталғалы бері еліміздің әртүрлі аймақтарындағы су айдындары бойындағы ластанған учаскелерді тазарту бойынша 80-нен астам сенбілік және іс-шаралар ұйымдастырылды.
Науқанда жастарды тартуға ерекше көңіл бөлінеді. Хабарланғандай, биылғы жылдың сәуір айында Президент Қасым-Жомарт Тоқаев экологиялық акцияның ең белсенді қатысушыларына алғыс хаттар табыс етті.
2025 жылы маусымдық жұмыспен қамту бағдарламасы аясында 35 мыңнан астам жас адамды тарту жоспарлануда, ал 2026 жылдан бастап үкімет инженерлік-техникалық, аграрлық, құрылыс және педагогикалық бағыттағы жастар еңбек отрядтарының желісін кеңейтуді ниеттенуде.
Бұған дейін құқық қорғау органдарының кеңейтілген алқа отырысында Президент озған қоғамды қалыптастырудың идеологиялық платформасының ажырамас бөлігі болып табылатын «Таза Қазақстан» тұжырымдамасы бойынша жұмысты жалғастыру қажеттігін атап өтті.