2024 жылы қазақстандық мемлекеттік қызметшілер мемлекеттік мүлік және жекешелендіру комитетінің (ММЖК) арнайы қорына жалпы құны 2,3 млн теңге болатын 240 сыйлық тапсырды.
Tengrinews.kz мәліметінше, Сыбайлас жемқорлыққа қарсы іс-қимыл агенттігінің төрағасы Улан Саркулов мемлекеттік қызметшілердің құны 5 АЕК-тен (2025 жылы 19 660 теңге) жоғары сыйлықтарды тапсыруға міндетті екенін еске салды.
«ММЖК және оның аумақтық органдары жекелеген негіздер бойынша республикалық меншікке айналдырылған (түскен) мүлікті, оның ішінде сыйлықтарды есепке алу, сақтау, бағалау және одан әрі пайдалану жөніндегі уәкілетті орган болып белгіленді», - деп хабарлады ведомствода.
Тапсырылған сыйлықтардың арасында: кәдесыйлар, мүсіншелер, картиналар, кеңсе тауарлары, сағаттар, сертификаттар, кітаптар, ыдыс-аяқ, азық-түлік тауарлары бар. Ең қымбаты 575 800 теңге тұратын iPhone 14 Pro болды. Сыйлықтардың көпшілігі (108) ММЖК-нің Астанадағы бөлімшесіне түскені атап өтіледі.
Белгілі болғандай, мемлекеттік қызметшілер, сондай-ақ сыбайлас жемқорлыққа қарсы шектеулерге жататын басқа да тұлғалар тапсырылған сыйлықтарды сатып алуға құқылы.
«Егер сыйлықты тапсырған адам оны сатып алуға ниет білдірсе, ММЖК-нің аумақтық органдары онымен сатып алу-сату шартын жасасады. Төлем жасалғаннан кейін сыйлық қабылдау-тапсыру актісі бойынша беріледі. Сатып алудан бас тартқан жағдайда сыйлықтар мемлекеттік мүлік тізілімінің веб-порталы арқылы сатуға қойылады. Сатуға жатпайтын сыйлықтар жойылады», - делінген хабарламада.
2024 жылы уәкілетті органдар арнайы қорға тапсырылған 131 сыйлықты 970 900 теңгеге сатты, ал 56 бірлігін жойды. 2024 жылы 70 400 теңгеге бір ғана сыйлық сатып алынды.
Еске салайық, 2023 жылғы қарашада БҚО бойынша Сыбайлас жемқорлыққа қарсы қызмет облыстық спорт басқармасының бұрынғы басшысы Каймен Есендияровқа сыйға тартқан йога кілемшесі үшін жаттықтырушы Маргарита Булдакованы 690 мың теңгеге айыппұлға тартты.
Жаттықтырушы өз әрекетінде сыбайлас жемқорлық ниеті болмағанын дәлелдеп, шешімге шағымдануды ұйғарды. Сонымен қатар, ол атап өткендей, тарту етілген сыйлықтардың материалдық құндылығы жоқ және қайырымдылық мақсатына арналған болатын.
Кейін сот қаулы етті: құқық бұзушылықтың маңыздылығы шамалы болуына байланысты Булдакованы әкімшілік жауапкершіліктен босату.