Желіде қайтыс болған кәсіпкер және Eurasian Resources Group (ERG) Александр Машкевичтің серіктесінің қыздары Лондон орталығында қымбат жылжымайтын мүлікке ие екені туралы ақпарат таралуда.
Telegram-арнасының «Выход к морю» мәліметінше, үлкен қызы Алла Машкевичке Мейфэр ауданында жалпы бағаланған құны £36,5 млн (24,4 млрд теңге) болатын екі пәтер тиесілі. Кіші қызы — Анна Машкевичтің компанияларына кеңсе ғимаратының бір қабаты тиесілі. Оның құны £4 млн (2,6 млрд теңге) жетуі мүмкін.
Белгілі болғандай, Алла Машкевич Green Street бойындағы №46 үйдің бірінші қабатындағы екі пәтерді 2003 жылдың желтоқсанында сатып алған. Ол кезде жылжымайтын мүліктің жалпы құны £3,5 млн (2,3 млрд теңге) құраған, алайда 2025 жылға арналған бағалаулар бойынша бұл пәтерлердің нарықтық құны £36,5 млн-ға дейін өскен.
Алғашқы үш жылда бұл пәтерлердің серіктес иесі ретінде украин тегі кәсіпкер Андрей Середа да тіркелгені хабарланады. Оның Алла Машкевичпен байланысы ресми түрде расталмаған, алайда бірқатар БАҚ-та ол оның бұрынғы күйеуі ретінде аталады.
Сол Green Street үйінде офшорлық құрылымдар арқылы екі пәтерге Ресей кәсіпкері, Амур облысынан бұрынғы сенатор және «Петропавловск» алтын өндіру компаниясының бұрынғы басшысы Павел Масловский иелік етеді. 2022 жылы Масловский ерекше ірі мөлшердегі алаяқтық ісі бойынша 5,5 жыл бас бостандығынан айыруға сотталған.
Александр Машкевичтің екінші қызы - Аннаның жылжымайтын мүлкі 28–29 Savile Row мекенжайындағы кеңсе ғимаратының екінші қабатында орналасқан. Ол үй-жайға өзінің Alm Services UK компаниясы арқылы иелік ететіні атап өтілген.
Компания жылжымайтын мүлікті 2022 жылы сатып алған, алайда мәміленің құны ашық құжаттарда көрсетілмеген. Кадастрлық деректерге сәйкес, кеңсенің пайдалы ауданы 212 м² құрайды.
Еске сала кетейік, бұған дейін журналистер қайтыс болған қазақстандық кәсіпкер Александр Машкевичтің мүліктік портфелінде бірегей актив — бір кездері африкалық диктатор Мобуту Сесе Секоға тиесілі болған Францияның оңтүстігіндегі вилланы анықтаған. €120-150 млн тұратын 3,2 гектар учаскедегі ерекше үй көркем Рокебрюн-Кап-Мартен коммунасында орналасқан.