Ақтөбе облысында «Батыс» филиалының Жем эксплуатациялық локомотив депосының бастығы «КТЖ-Жүк тасымалы» ЖШС және оның бағыныштысы сотталды.
Антикор баспасөз қызметінің мәліметінше, ол делдал – локомотив депосының кадрлар жөніндегі менеджері арқылы 1,5 млн теңге көлемінде пара алғаны үшін кінәлі деп танылды.
Пара тепловоз машинисінің көмекшісі лауазымына адамды жұмысқа орналастыру үшін берілген.
Сот филиал бастығын кінәлі деп тауып, оған 3 жыл 6 ай мерзімге бас бостандығынан айыру жазасын тағайындады.
Сол үкіммен делдал 1 жыл 6 ай мерзімге бас бостандығынан айырылды, пара беруші 3 жылға бас бостандығынан айырылды.
Сонымен қатар, сотталғандар мемлекеттік қызметте және квазимемлекеттік сектор субъектілерінде лауазымдарды атқару құқығынан өмір бойына айырылды.
Естеріңізге сала кетейік, мамыр айында Бейімбет Майлин аудандық соты Қостанай облысындағы КТЖ лауазымды тұлғаларына қатысты үкім шығарды. Олар дизель отынын және теміржол кранын жөндеуге бөлінген ақшалай қаражатты жалпы сомасы 12 млн теңге мөлшерінде ұрлағаны үшін кінәлі деп танылды.
Қараша айының басында Астанада «ҰК «КТЖ» АҚ автоматтандыру және цифрландыру дирекциясының бұрынғы басшысына қатысты үкім шыққаны хабарланды. Ол өзі және басқа тұлғалар үшін пайда мен артықшылықтар алу мақсатында қызметтік өкілеттіктерін пайдаланды деп айыпталды, бұл ұйым үшін ауыр зардаптарға әкеп соқты (ҚР ҚК 361-бабы 4-бөлігінің 3-тармағы).