Қостанай облысының Қарабалық ауданында бірнеше ондаған малдан бруцеллез анықталғаннан кейін карантин жарияланды. Облыстық ветеринария басқармасы шектеу шаралары 20 күнге дейін созылатынын мәлімдеді.
«Қазинформ» ХАА ведомствого сілтеме жасап хабарлағандай, бруцеллезге қосымша диагностикалық зерттеулер екі рет жүргізілді. Бірінші кезеңде мамандар 193 бас ірі қараны тексеріп, 13 ауру жағдайын анықтады. Екінші кезеңде тексерілген 180 малдың сегізінен ауру табылды.
Барлық жұқтырған мал санитарлық союға жіберілгені атап өтілді.
«Ветеринариялық-санитариялық ережелерге сәйкес диагностика бойынша бруцеллезге оң нәтижелер алынуына байланысты шектеу іс-шаралары белгіленеді. Сауықтыру іс-шаралары ірі қара малдан қатарынан екі рет теріс нәтиже алынғанға дейін әрбір 15-20 күнтізбелік күн сайын жүйелі зерттеулер жүргізу арқылы жүзеге асырылады», – деді ветеринария басқармасында.
Белгілі болғандай, процесті Республикалық эпизотияға қарсы отрядтың мамандары бақылайтын болады.
«Инфекцияның ықтимал көздері мен берілу жолдары ауылдық округтің ветеринария дәрігеріне жаңадан сатып алынған малдар, сондай-ақ түсік жағдайлары туралы уақтылы хабарламау болды», – деді ведомство басшысы Төлеген Иманбаев.
Инфекция анықталған шаруа қожалығындағы мал басының нақты саны 286 бас ірі қара, 38 бас шошқа және 6 бас жылқыны құрайды.
Еске сала кетейік, былтырғы жылдың қараша айында Атырауда өлі малдың ұшасынан күйдіргі бактериялары табылғаннан кейін мал базары карантинге жабылған еді.
12 қарашада базар жұмысшыларының бірі БҚО-дан әкелінген күдікті сиыр ұшасын байқаған. Төрт күн өткеннен кейін ғана ветеринария қызметтері ұлпа үлгілерін алып, оларды зертханалық сараптамаға жіберген. Содан кейін базар ресми түрде карантинге жабылған. 25 қарашада карантинге жабылған базар жұмысшысынан аурудың тері формасы расталды.