Қостанай облысы бойынша Мемлекеттік қызмет істері агенттігінің Департаменті Ұзынкөл ауданы әкімдігінің қызметінен 50-ден астам бұзушылықты анықтады.
"Қазинформ" ХАА мәліметінше, ведомствоның хабарлауынша, 30-дан астам жағдай мемлекеттік қызметшілерді өкімдерсіз қосымша міндеттерге заңсыз тартуға қатысты болған.
Сондай-ақ департамент қызметкерлері еңбек өтілін есептеу кезіндегі қателіктерді, сынақ мерзіміндегі немесе тәртіптік жазасы бар қызметкерлерге заңсыз сыйақыларды тіркеді. Ведомствоның нұсқауы бойынша артық төленген сомалар қайтарылды, ал есептеу бақылауы күшейтілді.
Сонымен қатар қызметкерлерді демалыстан заңсыз шақыртып алу және олардың ұзақтығын қысқарту фактілері анықталды. Зардап шеккендерге өтемақы төленіп, кінәлілер тәртіптік жауапкершілікке тартылды.
Бұдан басқа, тексеру сынақ мерзімінен өту кезінде 20-дан астам бұзушылықты көрсетті: тәлімгерлердің болмауы, сынақ мерзімінің дұрыс белгіленбеуі, сынақ мерзімін ұзарту кезіндегі бұзушылықтар.
Нәтижесінде жас мемлекеттік қызметшілердің құқықтары қалпына келтіріліп, олардың сүйемелденуі және қызметіне объективті бағалау қамтамасыз етілді.
Еске сала кетейік, бұған дейін Солтүстік Қазақстан облысының табиғат қорғау прокуратурасы жергілікті атқарушы органдар лауазымды тұлғаларының іс-әрекеттерінен көптеген бұзушылықтарды анықтады. Шенеуніктер өтемақы екпелерінің көлемін негізсіз төмендетіп, 8 мың бірліктен астамға кеміткен.