Ұлттық қауіпсіздік комитетінің авиациялық қызметі пайдалануға жарамсыз деп танылған үш АН-26 ұшағын сатуға жариялады. 1972, 1976 және 1979 жылдары шығарылған әуе кемелері Алматы облысының Боралдай кентінде орналасқан.
Электрондық сауда алаңының сайтында бағаны көтеру аукционы 11 маусымда өтетіні көрсетілген. Әр лоттың бастапқы құны 11 097 900 теңгені құрайды.
«Ұшақ планерінің ресурсынан өзгеше ресурсы бар агрегаттар белгіленген қызмет мерзімдерін өтеді. Планер элементтерінде (жазықтықтарда, құйрық қанатшасында және шассиде) ұзақ атмосфералық әсердің салдарынан коррозия ошақтары бар», - деп көрсетілген бағалау есебінде.
Аукцион шарттарына сәйкес, сатып алушы сатушыға лоттың түпкілікті құнының 15% мөлшерінде комиссиялық сыйақы төлеуі тиіс. Бұл төлемді сатып алу-сату шартына қол қойылған сәттен бастап 10 жұмыс күні ішінде жүргізу қажет.
Сонымен қатар, сатып алушы сатушыдан рұқсат туралы хабарлама алған сәттен бастап 30 күн ішінде тауарды өз қаражаты есебінен әкетуге міндеттенеді.