Бас көлік прокуратурасы бұрынғы басқарма төрағасы «КазАвтоЖол» ҰК АҚ Асқар Мұратұлы және компанияның бас мердігеріне қатысты тергеуді аяқтады. Іс Астана сотына жіберілгені хабарланды.
Ведомствоның баспасөз қызметінің мәліметінше, олар «Жақсы – Есіл – Бұзылық» автомобиль жолын жөндеуге, оның ішінде Есіл өзені арқылы өтетін көпір салуға бөлінген мемлекеттік қаражатты ұрлады деген күдікке ілінген.
«Тергеу нұсқасы бойынша, «КазАвтоЖол» ҰК АҚ басшылығы бір көзден алу тәсілімен заңсыз шарт жасасып, мердігерге негізсіз басымдық беріп, 200 млн теңге көлеміндегі авансты беріп, ол мақсатсыз пайдаланылған», - делінген хабарламада.
Еске сала кетейік, сәуір айында Асқар Мұратұлы бюджет қаражатын ұрлады деген күдікпен ұсталған болатын. Сонда оған 2 ай мерзімге қамауда ұстау түріндегі бұлтартпау шарасы санкцияланған.
Оған дейін Павлодарда «КазАвтоЖол» филиалының директоры мен бас маманы пара алу фактісі бойынша сотталған болатын. Сот компания директорына 8 жыл бас бостандығынан айыру жазасын тағайындаса, бас маман 7 жыл бас бостандығынан айырылды.