Мемлекеттік кірістер комитеті (МКК) салықтық бақылау үшін 745 блогерден тұратын тізім жасады. Оның 499-ы жеке кәсіпкер ретінде, 246-сы жеке тұлға ретінде тіркелген. Бұл тізімге Instagram, YouTube және TikTok-та 20 мыңнан астам жазылушысы бар адамдар енгізілді.
Ulysmedia.kz деректері бойынша, МКК 2023 жылы 745 блогер салық ретінде 513 229 224 теңге төлеген деп есептеген. 2024 жылғы алдыңғы салық кезеңінде бұл сома 715 086 719 теңгені құрады.
«2023 жылғы 10 шілдеде Қазақстанда елдегі онлайн-жарнаманы құру, орналастыру және таратуды реттейтін «Онлайн-платформалар және онлайн-жарнама туралы» заң қабылданды. Заңға сәйкес, инфлюенсер (блогер) – бұл кәсіпкерлік қызметті жүргізу мақсатында белгісіз адамдар тобына ақпарат жариялайтын онлайн-платформаны пайдаланушы. Онлайн-жарнама мәселелерімен мемлекеттік деңгейде ҚР Мәдениет және ақпарат министрлігі айналысады», - деп атап өтті ведомствода.
2023 жылы МКК блогерлерді кірістерін төмендетуге тексергені хабарланады. Тексеру нәтижесі бойынша 37 блогерге 630,1 млн теңге көлемінде қосымша салық төлемдері туралы хабарлама жіберілді.
«Блогерлердің хабарламаны алғаннан кейін кемшіліктерді түзетуге 30 күні бар. Егер олар хабарламамен келіссе, қосымша салық есептілігін тапсырып, жағдайды түзейді. Хабарлама орындалмаған жағдайда салық тексеруі жүргізіледі, ал одан әрі бұзушылықтар болса, Әкімшілік кодекстің 288-бабы бойынша іс қозғалуы мүмкін», - делінген хабарламада.