Жүкей көлінде кезекті браконьерлер ұсталды «Бурабай» ұлттық паркінде Ақмола облысында.
Polisia.kz мәліметінше, бұл апта ішінде ұлттық парк аумағында анықталған үшінші браконьерлік жағдай. 
«Ағымдағы жылдың 22-қыркүйегінде Біржан-Сал полиция бөліміне телефон арқылы шамамен сағат 23.00-де «Бурабай» МҰТП Темнобор орман шаруашылығының Жүкей көлінде заңсыз балық аулаудың кезекті фактісі анықталды», - делінген хабарламада.
Белгілі болғандай, орман шаруашылығы қызметкерлері Щучинск-Степняк-Вәлиханов автожолында Түркістан облысының тұрғыны басқарған автокөлікті тоқтатты.
Жедел жеткен қызметкерлер жүксалғыштан төрт қап балық, резеңке қайық және балық аулау торларын тапты. Бұл жолы браконьерлердің аулағаны 160 кг балықтан асты.
Балық ресурстарын заңсыз аулау фактісі бойынша сотқа дейінгі тергеу жүргізіліп жатқаны атап өтілді.
Еске салайық, алдыңғы күні «Бурабай» ұлттық паркінің инспекторлары Жүкей көлінде 650 кг астам балық аулаған браконьерлерді ұстады.
Бұл ұлттық парк аумағында соңғы 5 жылдағы балық браконьерлігінің ең ірі жағдайы болды. Келтірілген залал сомасы 9,1 млн теңгені құрады.
Сонымен қатар ұлттық паркте ағымдағы жылдың соңына дейін Жүкей көлінде Smart National Park Burabay ақылды бейнебақылау жүйелерін орнатуға уәде берді. Бұл су айдынындағы жағдайды тиімді бақылауға және браконьерлік жағдайларын жедел тоқтатуға мүмкіндік береді деп күтілуде.