Астана қылмыстық істер жөніндегі ауданаралық соты аса ірі көлемде алаяқтық жасаған ЖШС директорына үкім шығарды.
Елорда соттарының баспасөз қызметінің мәліметінше, сотталушы төрт компаниямен нарықтық бағадан төмен дизель отынын жеткізуге шарт жасасқан. Алайда кейін ол ЖЖМ бермеген, ақшаны басқа компаниялардың шоттарына аударған.
Осылайша қылмыскер жәбірленушілердің жалпы сомасы 990,1 млн теңге қаражатын иемденген.
Сотта жәбірленушілер сотталушыны бас бостандығынан айырмауды сұрағаны атап өтілді, себебі онымен медиативтік келісімдер жасалған, оған сәйкес залал 2024 жылғы 15 желтоқсанға дейін өтелуі тиіс.
Дегенмен сот кәсіпорын директорын кінәлі деп танып, оған 6 жыл бас бостандығынан айыру жазасын тағайындады. Сонымен қатар ол коммерциялық ұйымдарда материалдық жауапты және басшылық лауазымдарды атқару құқығынан 5 жыл мерзімге айырылды.
Еске сала кетейік, қыркүйек айының басында Шымкент қаласы Әл-Фараби ауданы әкімі аппаратының басшысы, ЖШС директоры және сол компанияның құрылтайшысы сотталды 700 млн теңге көлеміндегі бюджет қаражатын жымқырғаны үшін. Сот әрқайсысына 8 жыл бас бостандығынан айыру жазасын тағайындады.