Экоактившілер Балқаш қоқысты тиісті емес жерге тастайтындарды қатаңырақ жазалауды талап етеді. Олардың айтуынша, полигонда кәдеге жарату үшін ақы төлегісі келмейтін жергілікті тұрғындар мен ұйымдар қала шетін ластайды.
Ktk.kz мәліметінше, белсенділер өздігінен пайда болған қоқыс үйінділеріне барып, оның иесі туралы ақпарат табу үшін қоқысты тексереді.
Мәселен, Балқаш қаласының шетінен олар бұрын стадионда пайдаланылған пластик орындықтардың үйіндісін тапты. Олар қалалық спорт бөліміне тиесілі болған. Оларды ауыстырған мердігер табылып, жауапкершілікке тартылды.
Сонымен қатар, сол жерден ірі өнеркәсіп нысанының өндіріс қалдықтары табылды. Алайда қоқыстың көп бөлігі кімге тиесілі екенін анықтау мүмкін болмады.
«Сондықтан аумақты тазалауға қала бюджетінен қаражат бөлінеді. Егер құқық бұзушылар табылса, алдымен ескерту жасалады», - делінген хабарламада.
Өз кезегінде экоактившілер алғашқы бұзушылықта айыппұл салуды талап етеді.
«Мұнда тек қалтаға соғу, тек айыппұл әсер етеді. Мен бұл мәселені көтерген болатынмын. Бізге Парламент Мәжілісінің депутаттары келді, мен бапты өзгерту керектігін айттым. Ескерту емес, бірден айыппұл және үлкен АЕК-пен. Осыдан кейін ғана біз бұған қол жеткізе аламыз. Ең болмаса адамда қорқыныш пайда болады», - деді белсенді Анар Адамбекова.
Еске салайық, наурыз айында Сенат депутаты Зәкіржан Күзiев Қазақстандағы қоқысты сұрыптау туралы экология және табиғи ресурстар министрлігінің ақпаратын «қағазға сызылған» деп атады. Сондай-ақ ол экология министрлігі мен әкімдіктерді қалдықтарды қайта өңдеудің орнына орасан зор қоқыс полигондарын құруды жөн көретіні үшін сынға алды.