«Самал» балабақшасында (Ақтөбе облысы, Мұғалжар ауданы, Қандыағаш қ.) жәндіктер жұқтырған 19 кг-нан астам сұлы жармасы жойылды. Сонымен қатар мекемеге айыппұл салынды.
«Қазинформ» ХАА мәліметінше, аудандық санитарлық-эпидемиологиялық бақылау басқармасы таңғы ас кезінде ботқадан жәндіктер табылғаны туралы хабарламадан кейін балабақшаға жоспардан тыс тексеру жүргізді.
Тексеру барысында ведомство қызметкерлері тамақ өнімдерін сақтау ережелерінің бұзылуын анықтады. Атап айтқанда, мекемеде ылғалдылықты бақылауға арналған құрал орнатылмаған, ал тоңазытқышта термометр болмаған, бұл өнімді сақтау жағдайларының сәйкес еместігін көрсетеді.
«Жармалар сақталған қойманы көзбен шолу кезінде жәндіктер табылды. Сондай-ақ, бір тәулік бұрын алынған сұлы ботқасының үлгісінде қоңыздар табылды, бұл тамақ дайындау технологиясының бұзылғанын көрсетеді. Тексеру барысында сұлы жармасының үлгісі Ақтөбе облысындағы "Ұлттық сараптама орталығының" облыстық филиалына жіберілді. Зерттеу хаттамасына сәйкес, сұлы жармасынан тірі зиянкестер табылды. Нәтижесінде комиссия құрылып, 19,350 кг "Геркулес" сұлы жармасы жойылды», - делінген хабарламада.
Сонымен қатар балабақшаға 452 180 теңге көлемінде айыппұл салынып, бұзушылықтарды жою туралы нұсқама берілді.
Сонымен қатар, облыстық білім басқармасы оқиғаға байланысты балабақша директоры, бас аспаз және медбике жұмыстан босатылғанын хабарлады. Қоймашы және екі аспазға сөгіс жарияланды.
Естеріңізге сала кетейік, өткен жылдың қазан айында Атырау облысы Жылыой ауданының Құлсары қаласында демалыс лагеріне жіберілген балалардың ата-аналары аудандық әкімдік ғимаратының алдына шығып, бұқаралық наразылық акциясын өткізді. Олар айтқандай, балалар Железноводск қаласындағы лагерь жатын бөлмелерінен көптеген тарақандарды тапқан. Сонда Атырау облысы білім басқармасының басшысы Марат Абуов жәндіктердің ауа райының қолайсыздығына байланысты ғимаратқа кіргенін мәлімдеген болатын.