Полицейлер прекурсорлар мен медициналық препараттарды пайдаланатын 900-ден астам ұйымды, оның ішінде 350 дәріхананы, 85 қойманы, 103 емдеу-профилактикалық мекемені және 362 өнеркәсіптік кәсіпорынды тексерді.
Polisia.kz деректері бойынша, сақтау, өткізу және тасымалдау шарттарын бұзғаны үшін 248 адам, оның ішінде 116 медицина қызметкері әкімшілік жауапкершілікке тартылды.
Сонымен қатар, құқық қорғау органдары есірткі заттарымен айналысу саласында 8 қылмыстық іс қозғады, сондай-ақ психоактивті заттарды қамтитын 35 мың тонна прекурсордың, 20 мың таблетканың және 24 мың ампуланың айналымын шектеді.
Мысалы, Жамбыл облысында ұйымдардың бірін тексеру кезінде прекурсорларды сақтау ережелерінің бұзылуы анықталып, 34 мың тоннадан астам күкірт қышқылы тәркіленді. Осы факті бойынша әкімшілік материал жасалды. Кәсіпорынның қызметі тоқтатылды.
Басқа жағдайда, Ақтөбе облысындағы медициналық мекемені тексеру кезінде есірткі заттарын сақтау және есепке алу ережелерінің бұзылуы анықталды. Фармацевтке қатысты қылмыстық іс қозғалды.
Еске сала кетейік, бұрын белгілі болғандай, 2024 жылы полицейлер есірткі заттарының заңды айналымы саласында 38 қылмыстық және 633 әкімшілік құқық бұзушылықты анықтады.
Олардың ішінде заңсыз фармацевтикалық қызметтің 46 жағдайы және фармацевтикалық қызмет пен дәрілік заттардың айналымы ережелерінің 260 бұзылуы бар. Сол кезде 226 медицина қызметкерін қоса алғанда, 500-ден астам лауазымды тұлға әкімшілік жауапкершілікке тартылғаны хабарланған болатын.